20 KuNhlaba 2025 Sekuphelile ukuqagela ngozoba iMeya kaMasipala wesifunda Amajuba njengoba lo obebambe kusukela nyakenye uKhansela Thembelihle Mthembu esegcotshwe ngokusemthethweni kusona lesi sikhundla. Umcimbi wokugcotshwa kukwaMeya ngokusemthethweni wenzeka namhlanje ezindlini zomkhandlu. Kulesi sihlalo uMeya Mthembu usekelwe uKhansela Shaka Sithole obambe esika Sekela Meya kuwona loMkhandlu wesifunda Amajuba.
UKhansela Sithole uqale wakhethwa ngokungaphikiswa evala isikhala ebesikhona kwi-Exco. Amagama abo bobabili IMeya neSekela Meya aphakanyiswe ngaphandle kokuphikiswa kulezi zikhundla abagcotshelwe kuzona.